विद्रोहीको आक्रमणमा १३ व्यक्तिको मृत्यु


Posted By News24Nepal.com || Date: 4 May, 2016

TOPSHOTS

Malian soldiers fight while clashes erupted in the city of Gao on February 21, 2013 and an apparent car bomb struck near a camp housing French troops as Malian and foreign forces struggled to secure Mali's volatile north against Islamist rebels.  TOPSHOTS/AFP PHOTO / FREDERIC LAFARGUE

किन्सासा, पूर्वी कङ्गोको बेनी क्षेत्रमा मङ्गलबार राति संदिग्ध युगान्डाली विद्रोही समूह अलाइड डेमोक्र्याटिक फोर्सेस् (एडीएफ) ले गरेको आक्रमणमा १३ सर्वसाधारणको मृत्यु भएको समाचार छ ।

स्थानीय गैर सरकारी सङ्गठनले सो जानकारी दिएको छ । उत्तरी बेनीको मिमिबो र मुत्सोङ्गे इलाकामा स्थानीय समयानुसार मङ्गलबार राति ७ः४५ देखि ९ बजे सम्म सो आक्रमण भएको थियो ।
यो आक्रमण कङ्गोमा स्थायित्वको लागि संयुक्त राष्ट्रसङ्घीय मिसन (मोनुस्को) को शिविरबाट दुई सय मिटर टाढा यो आक्रमण भएको थियो । रासस÷सिन्ह्वा

यसैबीच कङ्गोको उत्तरी प्रान्त किभुमा सन् २०१४ देखि हालसम्म विद्रोहीको आक्रमणमा करिब १ हजार १७ व्यक्तिको मृत्यु भएको सो प्रान्तको नागरिक समाज समूहले मङ्गलबार जानकारी दिएको छ ।

सो स्रोतका अनुसार केही युगान्डाली विद्रोहीसहित सोही विद्रोही समूहले उक्त अवधीमा बेनी र लुबेरो क्षेत्रमा करिब एक हजार ३९१ जना व्यक्तिको अपहरण गर्नुको साथै ४१ जना महिलाको बलात्कारसमेत गरेका थिए ।

कङ्गो सरकारलाई हरेक प्रकारको हिंसा अन्त्यगर्न आग्रह गरिएको पनि नागरिक समाज समूहले जानकारी दिएको छ ।

बेनी र लुबेरो क्षेत्रहरुमा भएका अपराधहरुको अनुसन्धान गर्न पनि अन्तर्राष्ट्रिय समुदायलाई समेत आग्रह गरिएको बेनी क्षेत्रका नागरिक समाजका संयोजक गिल्बेर्ट कमबालेले बताउनु भएको छ । रासस÷सिन्ह्वा

 

समाचार स्रोत

Facebook Comments

एमाले जसरी पनि नीति तथा कार्यक्रम पेश गर्ने रणनीतिमा

oli_2580591f

संसदको सबैभन्दा ठूलो दल नेपाली कांग्रेसको समर्थनमा सत्तारूढ घटक एमाओवादीले आफ्नै नेतृत्वमा सरकार बनाउने निर्णय बुधबार गरेपछि एमालेले कम्तिमा पनि नीति तथा कार्यक्रम पेश गरेर मात्रै सरकारबाट बाहिरिने रणनीति बनाएको छ।

संसदमा सरकारको नीति तथा कार्यक्रम पेश गर्नका लागि २६ गते आईतबार तोकिइसकेको छ। ‘हामीले लोकप्रिय नीति तथा कार्यक्रम र बजेट ल्याउन लाग्यौं भन्ने डरले यो बजेट सेसन अघिनै सरकार ढाल्ने काममा कांग्रेस र एमाओवादी केन्द्रीत भए,’ एमालेका एक नेताले सेतोपाटीसँग भने, ‘हामी त्यतिकै भाग्दैनौ, कम्तिमा नीति तथा कार्यक्रम पेश गरेर मात्रै हामी छोड्नेछौ।’

गत शनिबार सम्पन्न सर्वदलीय बैठकमा कांग्रेस सभापति तथा प्रमुख प्रतिपक्षी दलका नेता शेरबहादुर देउवाले पहिले प्रि-बजेट छलफल गर्नुपर्ने, त्यसपछि मात्र नीति तथा कार्यक्रम ल्याउनुपर्ने अडान लिएका थिए। उनले पछि संसद सुरू हुने बित्तिकै नीति तथा कार्यकम पेश नगर्न र दुई-तीन दिन समसामयिक बिषयमा छलफल गर्ने कार्यक्रम राख्न माग गरे। सरकारले त्यसमा सहमति जनायो।

‘नीति तथा कार्यक्रम अघिनै सरकार बदल्ने रणनीति अनुसार, दुई-तीन दिनको समय मागिएको रहेछ’, एमाले नेताले भने, ‘एमाले बजेट ल्याउँछ र लोकप्रिय हुन्छ भन्ने कत्रो डर रहेछ उँहाहरूलाई।’

नयाँ सरकार गठनका लागि संसदमा रहेको नियमावलीको रिक्ततालाई टेकेर एमालेले केही समय सरकार नछोड्ने र त्यो अवधिमै कम्तिमा नीति तथा कार्यक्रम ल्याउने रणनीति बनाएको हो।

एमाओवादीले सरकार छोडेको औपचारिक घोषणा गरेपछि प्रधानमन्त्री ओलीले आफैं राजीनामा दिए भने नयाँ सरकार बन्न मार्ग प्रशस्त हुन्छ। तर उनले सरकार छोडेनन् भने, नयाँ संविधान अनुसार, अन्य पार्टीहरुले नयाँ प्रधानमन्त्रीको नामसहित अविश्वासको मत दर्ता गर्नुपर्ने हुन्छ। त्यो प्रस्तावमा ३० दिन भित्र भोटिङ हुन्छ।

तर अहिले संक्रमणकालिन व्यवस्था अनुसार पुरानो संविधाननै लागू हुन्छ भन्ने एमालेको तर्क छ। पुरानो वा नयाँ जुन संविधान लागू भएपनि नयाँ सरकार गठनको नियमावली बनिसकेको छैन। सहमतिमा त्यो नियमावली बन्न सजिलो छैन। बनाउन कम्तिमा पनि केही समय लाग्नेछ।

कतिपय संविधानविदहरूको तर्क संवैधानिक र कानुनी जटिलताका कारण ओली सरकारलाई हटाएर नयाँ सरकार बनाउन सम्भव छैन भन्ने छ।

यो संबैधानिक, कानुनी जटिलताको टुंगो नलागुन्जेल एमाले सत्तामा रहन चाहन्छ र त्यसै बीच ‘लोकप्रिय’ नीति तथा कार्यक्रम पेश गरेर जनताको मन जित्न चाहन्छ।

एमाओवादी अध्यक्ष प्रचण्डले आज बिहानै प्रधानमन्त्री केपी ओलीलाई भेटी पार्टीले आफ्नै नेतृत्वमा सरकार बनाउने निर्णय गरेकाले मार्ग प्रशस्त गरिदिन आग्रह गरेका छन्। साथै, उनले आफूले नेतृव गर्ने ‘राष्ट्रिय’ सहमतिको सरकारमा सहभागी हुन पनि अनुरोध गरेका छन्। ओलीले पार्टीमा सल्लाह गरेर निर्णय दिने बताए।

एमालेले कसरी अघि बढ्ने भन्ने निर्णय नगरिसकेको प्रधानमन्त्री ओलीका प्रमुख राजनीतिक सल्लाहकार बिष्णु रिमालले सेतोपाटीलाई बताए।

एमाओवादीले आफ्नै नेतृत्वमा राष्ट्रिय सरकार बनाउने निर्णय गर्दै एमालेसँग पनि सहयोगको आह्वान गरेको छ, अब एमालेले के गर्छ भन्ने प्रश्नमा रिमालले भने, ‘हाम्रै नेतृत्वमा सरकारमा बसेको एमाओवादीले हामीले गरेको काममा सन्तुष्ट हुन नसकेर आफ्नो नेतृत्वमा सरकार बनाउने निर्णय गरेको एमाओवादीको नेतृवमा हामी सरकारमा जाने काम कति व्यवहारिक हुन्छ, हामी एमाओवादीसँग गम्भीर कुरा गर्छौ।’

एमाओवादीले आजसम्म एमालेको निर्णय पर्खने र भोलि उपयुक्त कदम चाल्ने भनेको छ। भोलि एमाओवादीले एमालेलाई दिएको समर्थन फिर्ता लियो भने प्रधानमन्त्री ओलीले राजीनामा दिनुहुन्छ?

रिमालले भने, ‘त्यसपछि, हामी सोच्छौं, हाम्रो पार्टीले सोच्छ। प्रधानमन्त्रीलाई के आदेश दिन्छ, हामी त्यही अनुसार अघि बढ्छौं। तर, हामी एउटा कुरामा प्रष्ट छौं, प्रमुख सत्ता साझेदारले सत्ता छोडेपछि सरकारको वैधतामा प्रश्न उठ्छ। त्यसको कानुनी उपचार पनि सोच्छौं, राष्ट्रिय राजनीतिको परिदृश्य पनि हेर्छौं  र निर्णय लिन्छौं।’

प्रमुख सत्ता साझेदारले छोडेपछि, तपाईँहरूसँग दुई वटा बाटो रह्यो। पहिलो, प्रधानमन्त्रीले राजीनामा दिने। दोस्रो, संसदमा विश्वासको मत लिएर आफ्नो बहुमत सिद्द गर्ने। एमालेले कुन बाटो समात्छ?

‘हो, दुई वटा बाटो मध्ये एउटा बाटोमा जाने हो। त्यसमा हामी, पार्टीको आदेश पनि कुर्छौ र साथीहरूसँग सल्लाह गर्छौं,’ रिमालले भने।

रिमालले एमालेले संसद बिघठन भने नगर्ने बताए। ‘संसद बिघठन गरेर अघि बढने भन्ने हाम्रो कुनै सोच छैन।’

समाचार स्रोत

Facebook Comments

यासरिपो चिलाउँदो रहेछ छाला !


Posted By News24Nepal.com || Date: 4 May, 2016

हामीले छाला कन्याउँदा मस्तिष्कमा मनोदशा नियमन गर्ने र पीडा नियन्त्रण गर्ने न्युरोट्रान्समिटर सेरोटोनिन उत्पादन हुनेगर्छ । अमेरिकाको वासिङ्टन युनिभर्सिटी स्कुल अफ मेडिसिनका वैज्ञानिकले गरेको नयाँ अनुसन्धानको निष्कर्ष अनुसार कन्याउने संवेदना प्रचण्ड पार्नमा सेरेटोनिनले प्रभाव पार्दछ । मस्तिष्कबाट पैmलिएर स्पाइनल कोर्डमा पुगेपछि सेरोटोनीले पीडा तथा कन्याउने सकसकी अस्तव्यस्त पार्छ ।

skin

पीडाको आवेगसँग जोडिएका न्युरोनले व्यक्तिलाई उल्टै कन्याउन प्रेरित गर्ने भनाइ अनुसन्धान टोलीको छध्र कन्याउँदा छालमा हल्का पीडा हुनेगर्छ । जसले कन्याउँदाको संवेदनालाई क्षणिक रूपमा प्रभाव पार्दछ । किनभने कन्याउने बेला स्पाइनल कोर्डका स्नायु कोषले कन्याउँदाको सङ्केतभन्दा पीडाको सङ्केत मस्तिष्कमा पु¥याउँछन् ।

प्रमुख अनुसन्धानकर्ता डा. झु फेङ चेनले भन्नुभएको छ– जब मस्तिष्कले ती सङ्केत प्राप्त गर्छ पीडा नियन्त्रण गर्न मस्तिष्कले सेरोटोनिन उत्पादन गर्दछ । यसरी उत्पादित सेरेटोनिन स्पाइनल कोर्डमा पुग्दा पीडा संवेदी न्युरोनले उल्टै कन्याउने सकसकी बढाउने भनाइ उहाँको छ ।

समाचार स्रोत

Facebook Comments

भूकम्पपीडित भेट्न अध्यक्ष दाहाल गोरखामा, पुनःनिर्माणमा सघाउने प्रतिबद्धता


Posted By News24Nepal.com || Date: 4 May, 2016

cc

गोरखा, पूर्वप्रधानमन्त्री एवम् (एमाओवादी)का अध्यक्ष पुष्पकमल दाहालले उत्तरी गोरखाका विभिन्न गाविस पुगेर भूकम्पपीडितको अवस्थाबारे जानकारी लिनुभएको छ ।
नेपाली सेनाको हेलिकप्टरमार्फत् आज गुम्दा पुग्नुभएका दाहालले पुनःनिर्माणलाई अनुदान वितरण कार्यक्रमको सुरुवात गर्नुभयो । गुम्दा –८ की लाभग्राही माया गुरुङलाई अनुदान सम्झौतापत्र हस्तान्तरण गर्दै अध्यक्ष दाहालले भूकम्प प्रतिरोधी घर बनाउन आग्रह गर्नुभयो ।

भूकम्प गएको एक वर्षसम्म पनि पुनःनिर्माणको काम सुरु नभएको भन्दै उहाँले अनुदान प्रक्रियाका लागि गाउँमै घुम्ती बैंक स्थापनाका लागि आफूले पहल गर्ने बताउनुभयो ।

गाविस सचिव हरिबहादुर भुजेलले अनुदान वितरण प्रक्रिया गर्न ६६४ जना लाभग्राहीको नामावली मङ्गलबार सार्वजनिक गरेका थिए । सूचीमा नाम परेका लाभग्राहीले बंैक खाता खोलेपछि गाविस सचिवसँग सम्झौता गर्ने र बैंकमार्फत् रकम बुझेपछि पुनःनिर्माणको काम सुरु गर्नुपर्ने हुन्छ ।
सांसदहरु हितराज पाण्डे र कृष्ण धिताल, प्रमुख जिल्ला अधिकारी नारायणप्रसाद भट्ट, पुनःनिर्माण प्राधिकरणका प्रतिनिधिसहित भूकम्प प्रभावित विभिन्न गाविस पुग्नुभएका अध्यक्ष दाहालले अलग्गिएका सबै माओवादी दललाई एकजुट गरी एमाओवादी देशकै ठूलो शक्ति बनाउने दाबी गर्नुभयो ।

अध्यक्ष दाहालले आजै लाप्राक पुगेर खानेपानी आयोजनाको पनि शिलान्यास गर्नुभयो ।
लाप्राकदेखि ६ किलोमिटर टाढा (गणेश हिमालको फेदी) बाट गुप्सीपाखामा खानेपानी ल्याउने योजना छ । भूकम्पपछि गुप्सीपाखामा ६०० अस्थायी टहरामा भूकम्पपीडित बस्दै आएका छन् । लाप्राक पुनःनिर्माणमा गैरआवासीय नेपाली सङ्घ (एनआएनए) ले सघाउने यसअघि नै सम्झौता भइसकेको छ ।

यस्तै दाहाल भूकम्पको केन्द्रविन्दु गोरखाको बारपाक पुग्नुभयो । बारपाकमा उहाँले सामुदायिक भवनको शिलान्यास गर्नुभयो ।
भूकम्पपीडित स्थानीयवासीले दाहाललाई विभिन्न मागसहितको ज्ञापनपत्र बुझाएका छन् । अध्यक्ष दाहाल आजै सौरपानी र मुच्चोक गाविसमा पुगेर लाभग्राहीलाई अनुदान सम्झौतापत्र हस्तान्तरण गर्ने र पुनःनिर्माण अभियानको सुरुवात गर्ने कार्यक्रम रहेको जिल्ला प्रहरी कार्यालय गोरखाका प्रहरी उपरीक्षक जनकराज पाण्डेयले बताउनुभयो । रासस

 

समाचार स्रोत

Facebook Comments

सरकारको विकल्प खोज्नुअघि प्रचण्डले पुनः विचार गर्नुपर्छ:थापा


Posted By News24Nepal.com || Date: 4 May, 2016

kamal thapa

हेटौँडा, उपप्रधानमन्त्री तथा राप्रपा (नेपाल) का अध्यक्ष कमल थापाले वर्तमान सरकारको विकल्प खोज्नुअघि एनेकपा (माओवादी) अध्यक्ष पुष्पकमल दाहाल (प्रचण्ड)ले पुनः विचार गर्नुपर्ने बताउनुभएको छ ।

मिडिया नेपाल मकवानपुरले आज हेटौँडामा आयोजना गरेको पत्रकारसम्मेलनमा बोल्दै अध्यक्ष थापाले भन्नुभयो, ‘‘सरकार परिवर्तन गर्दा राष्ट्रियता कमजोर हुने, राजनीतिक अस्थिरता बढ्दै जाने तथा संविधान कार्यान्वयन कठिन र जटिल हुँदै जाने भएकाले यसमा पुनः विचार गर्न आग्रह गर्दछु ।’’

अध्यक्ष थापाले वैशाख १२ गतेको भूकम्प, असोज ३ गतेको संविधान जारीपछि मधेस आन्दोलन, भारतद्वारा अघोषित नाकाबन्दीजस्ता विषम परिस्थितिमा पुनःनिर्माण गर्नुपर्ने दायित्वका बीच राष्ट्रियताको जगमा अडेको वर्तमान सरकारले आर्थिक विकास र पुनःनिर्माणको काम अघि बढाउने अवस्थामा प्रचण्डले आफ्नो दल सहभागी भएको सरकारले ठोस काम गर्न नसकेको र सरकारको विकल्प खोज्नुपर्ने वक्तव्य निकाल्नु अप्रत्याशित र अनपेक्षित रहेको बताउनुभयो ।

उहाँले एक प्रश्नको उत्तरमा वर्तमान सरकार गठन गर्नुअघि जुन बहिरी शक्तिको चलखेलले अवरोध पु¥याएको थियो, त्यही शक्तिले हाल पुनः चलखेल गरेको आरोप लगाउनुभयो ।

अध्यक्ष थापाले वर्तमान सरकारको ६ महिने कार्यकालमा भएका काम कारबाहीको जश अपजशको भागी हामी सबै हौँ भन्दै देशलाई अस्थिरताबाट जोगाई राष्ट्रिय एकता बलियो बनाएर संविधान कार्यान्वयन र आर्थिक उन्नतितर्फ हामी सबै लाग्नुपर्ने स्पष्ट पार्नुभयो ।

उहाँले राप्रपा नेपालको केन्द्रीय कार्यसम्पादन समितिको आज बस्ने बैठकले वर्तमान परिस्थितिको समीक्षा गरी पार्टीको धारणा सार्वजनिक गर्ने जानकारी दिनुभयो । रासस

 

समाचार स्रोत

Facebook Comments

बेल्जियममा ‘लप्पन छप्पन’,दया-सौगात र अर्पण एकसाथ

फिल्मीबजार,२२ बैशाख २०७३,काठमाण्डौ ।
दिपाश्री निरौलाले निर्देशन गर्न खोजिएको नाम ‘लप्पन छप्पन’को छाँयाकन बेल्जियममा सुरु भएको छ । पहिले नै यो नाम दर्ता भएको हुदा दिपाले यो नाम पाएकी थिईनन् ।मुकुन्द भट्टको निर्देशनमा चलचित्रको छाँयाकन सुरु भएको छ ।daya arpan n saugat fbयस चलचित्रमा दयाहाङ राई, सौगात मल्ल र अर्पण थापा फेरी एक साथ संगै काम गर्ने भएका छन् । यि तीन पात्र सहित बर्षा शिवाकोटी पनि मुख्य भुमिकामा रहने भएकी छिन् ।

बेल्जियम सहित युरोपका केहि देशमा करिब एक महिना चलचित्रको छाँयाकन गरिनेछ । भने,बाँकी नेपालमा छाँयाकन गरिने भएको छ । चलचित्रमा पुरुषोत्तम प्रधानको छायांकन र चन्द्र पन्तको दन्द निर्देशन रहनेछ । छाँयाकनका लागि केहि बेल्जियम पुगिसकेका छन् भने केहि जाने क्रममा छन् ।

समाचार स्रोत

Facebook Comments

डेढ केजी सुनसहित एकजना पक्राउ


Posted By News24Nepal.com || Date: 4 May, 2016

हेटौँडा, जिल्ला प्रहरी कार्यालय मकवानपुरले वैशाख २२ गते बिहान करिब ३ः४५ बजे हेटौँडा उपमहानगरपालिका–१७ रातोमाटेस्थित प्रहरी चेकपोस्टमा काठमाडाँैबाट गौरतर्फ जाँदै गरेको बा३ख ४७४६ नंको यात्रुवाहक बस चेकजाँच गर्ने क्रममा अवैध रुपमा लुकाइछिपाइ ल्याएको एक केजी ५०० ग्राम सुनसहित एकजनालाई पक्राउ गरी हिरासतमा लिएको छ ।

gold
रौतहट जिल्ला गौर नपा–१३ बस्ने ३० वर्षीय अर्जुन सिंहलाई अवैध सुनसहित पत्रकारसम्मेलनमार्फत प्रहरीले सार्वजनिक गरेको छ ।

त्यसैगरी यही वैशाख २१ गते बेलुकी ७ बजे वीरगन्जबाट हेटौँडातर्फ आइरहेको ना १ ज ५२७० यात्रुवाहक बसलाई रातोमाटे प्रहरी चेकपोस्टमा चेकजाँच गर्ने क्रममा अवैध लागुऔषध डाइजोबाम २४ एमपुल, ब्युप्रिनोर्फिन २५ एमपुल र फेनार्गन २४ एमपुल गरी ७३ एमपुलसहित एकजनालाई जिप्रका मकवानपुरले पक्राउ गरेको छ ।

जिल्ला मकवानपुर हेटौँडा उपमहानगरपालिका–४ बस्ने ३९ वर्षीय सन्तोष गुप्तालाई लागुऔषधसहित सार्वजनिक गरेको छ । जिप्रका मकवानपुरले आवश्यक अनुसन्धानपश्चात् सम्बन्धित निकायमा पेस गर्ने जानकारी दिएको छ । रासस

 

समाचार स्रोत

Facebook Comments

राष्ट्रिय झन्डा चिनाउँदै शिल्पकारको ७५ जिल्ला भ्रमण पूरा


Posted By News24Nepal.com || Date: 4 May, 2016

laxmi-narayan

काठमाडौँ, देशभरिका मानिसलाई नेपालको राष्ट्रिय झन्डा चिनाउने अभियानका साथ लक्ष्मीनारायण शिल्पकार ७५ जिल्लाको भ्रमण पूरा गरेर राजधानी फर्कनुभएको छ ।

काठमाडौँ कालीमाटीस्थित भीमेश्वर निवासी ६१ वर्षीय शिल्पकारले करिब पाँच महिना लगाएर राष्ट्रिय झन्डाको प्रचारप्रसार गर्दै ७५ जिल्ला भ्रमण गरेर फर्कनुभएको हो ।

उहाँले राष्ट्रिय झन्डा देशभरिका मानिसलाई चिनाउने अभियानस्वरुप मङ्सिर १ गतेबाट सुरु गरेर यही वैशाख ११ गते सकाउनुभएको हो ।

उहाँले नेपाली राष्ट्रिय झन्डा देशभरिका मानिसलाई चिनाउनका लागि देशव्यापी भ्रमण गरेको बताउनुभयो । उहाँ राष्ट्रिय झन्डा बोक्दै सहर र गाउँ पुगेको बताउनुभयो ।

भ्रमणका क्रममा शिल्पकारले अझै पनि केही मानिसले नेपाली झन्डा नचिनेको बताउनुभयो । “म झन्डा चिनाउन ७५ जिल्लामा पुगेँ”, उहाँले भन्नुभयो–“अझै केही नेपालीले राष्ट्रिय झन्डा चिनेका रहेनछन् ।”

शिल्पकार नेपाली झन्डा बोक्दै प्रत्येक जिल्लाको सदरमुकाम पुग्नुभएको थियो । उहाँ २०६३ साल चैतदेखि राष्ट्रिय झन्डा बोकी नेपालीलाई चिनाउँदै हिँड्ने गर्नुभएको छ । रासस

 

समाचार स्रोत

Facebook Comments

रमीतले किन बुद्ध बर्न इन नेपाल बनाए


Posted By News24Nepal.com || Date: 4 May, 2016

काठमाडौँ-  बुद्धको जन्म र जिबनीको बारेमा सन्सारमा थुप्रै फिल्महरुको निर्माण भएका छन ।हाम्रो देश नेपालको लुम्बीनीमै गौतम बुद्धको जन्म भएको प्रमाणित भइ सकेपनि बुद्धको बारेका कथा  हाम्रा इन्डष्ट्रीका फिल्म मेकरको रोजाइमा नपरे पनि पछिल्लो समय फिल्म बाट अलि टाढिएका रमीत ढुङगानाले भने फिल्म मार्फत यो सकारात्मक सन्देश लाइ संसार भर फैलाउने प्रयत्न गरेका छन ।

xs

पढ्न बिदेश गएका एक नेपाली बिद्यार्थिको जिबनमा बुद्धको जन्म भारतमा भएको कुरा कलेजको कोर्ष बुकमा पढेपछि कसरी उनको जिबनमा परीबर्तन आउद छ ।नेपालमा बुद्धको जन्म भएको प्रमाणित गर्न उनले के के प्रयत्न गर्दछन भन्ने बिषय लाइ फिल्ममा हेर्न सकिन रमीत बताउद छन ।न्युज ट्वान्टीफोर टेलिभिजनको ६ प्रस्नमा कुरा गदै उनले बुद्धको जन्मका बिषयको फिल्म बनाउन समेत अनेक समस्या बेहोर्नु परेको बताए ।

अमेरीका र नेपालमा सुटीङ भएको फिल्मको लागि आफ्नै देशमा पनि राम्रै कसरत गर्नु परेको अनुभब उनि संग छ ।ज्ञानेन्द्र देउजाले निर्देशन गरेको बुद्ध बर्न इन नेपालमा रमीत ढुङगाना,अमीत ढुङगाना,निर शाह,मिथिला शर्मा,अशीष्मा नकर्मी लगायत कलाकार मुख्य भुमीकामा रहेका छन ।फिल्मलाइ जेठ सातमा रीलिजको तयारी निर्माण पक्षको रहेको छ ।

समाचार स्रोत

Facebook Comments

पुतलीसडकमा ओप्पल एलईडि शोरुम

पुतलीसडकमा ओप्पल एलईडि लाईट्सको शोरुम
त्रिवेणी व्यापार समूह अन्तर्गतको जेपी ट्रेडिङ कनसर्नले काठमाडौंको पुतलीसडकमा नयाँ शोरुम स्थापना गरेको छ । काठमाडौंको व्यस्त बजारमा खोलिएको नयाँ शोरुमको समूहका डाईरेक्टर शैलेस सांघाईले उद्घाटन गरेका हुन । शोरुममा विभिन्न प्रकारका ओप्पल एलईडी लाईटहरु उपलब्ध हुने कम्पनीले जनाएको छ ।

ओप्पलका उत्पादनहरूले कम उर्जा खपतमा बढी उज्यालो दिने गरेको कम्पनीको दाबी छ । आफूहरुले सुपथ मूल्यमा गुणस्तरीय प्रोडक्ट विक्री वितरण गर्ने गरेको सांघाईले कार्यक्रममा बताए ।

समाचार स्रोत

Facebook Comments